(trailer)                                                         (file zip)     

'A Befana

 di Elio Vetre

'O cunfiett e 'a castagnella

'a ficusecca e 'a caramella

'o liquore 'a mandarino

pare poco 'int''o bicchierino

'nce sta tutto pa''accuglienza

se sceglie 'o posto cu pacienza:

"'Ncopp 'a tavula? o' cassettone?"

"'Nterra? 'ncopp 'o balcone!"

'E manelle accorte se movene mute

fossele ciottole 'e carne 'e velluto:

"Facimmo ampressa, jammo a durmì!"

" Si stamme scetate nun po' trasì!"

E' 'over ch'è corta? Striscia co' tacc?

"E' senza diente? Porta nu' sacco?"

Cu 'll'uocchie 'nchiuse e 'o core ca' vola

sott''e cuperte scetate 'a cchiù 'e n'ora.

'O lietto è friddo, gelate 'e lenzola

stammo penzanno a na cosa sola.

...Arriva 'a matina, 'a sera è luntana

" nu' strillo: - E' arrivata 'a Befana!-"

Se stracciano carte cu' nastre 'a culore

certezze e surprese:'a tromba e 'o trattore

dint''a cazetta nu poco 'e cravone.

" - Uh! 'o bicchierino senza 'o liquore!-"